Ձմռանը այս սեզոնին գյուղերում մարդկանց հիմնական զբաղմունքը հայկական սերիալներն են: Նոյեմբերյանի տարածաշրջանի բնակիչները սերիալներից ազատ ժամանակ էլ քննարկում են դրանք: Նրանք տարածքի գյուղերի կյանքը նմանացրել են սերիալների անվանումներին: Սահմանամերձ Դովեղ գյուղն ապրում է դժվարին կյանքով, հողերի մի մասը ադրբեջանցիների վերահսկողության կամ նշանառության տակ է: Դովեղի կյանքը սերիալ դիտողները «կնքել են» «Դժվար ապրուստ»: Բագրատաշեն գյուղը Բագրատաշենի մաքսակետից այն կողմ է, Վրաստանի հետ սահմանագծին: Բագրատաշենը կոչել են «Եզրագծից այն կողմ»: Փոքրիկ Այրում քաղաքից մեծ թիվ են կազմում Ռուսաստան արտագնա աշխատանիքի մեկնողները` «խոպանչիները»: Այրումի կյանքը սերիալի հանգույն կոչել են «Ո՞ւր է իմ տղամարդը»: Տավուշի մարզի բնակչության թվով ամենամեծ գյուղում` Կողբում քիչ չեն հիմնարկների տնօրենները, կուսակցական ղեկավարները, գործարարները, այստեղ բախվում են կուսակցական, գործարար, հատվածական շահեր: Կողբի կյանքը` «Որոգայթ» :
Ոսկան Սարգսյան
Loading ...
