Տավուշի մարզի 62 համայնքապետարանների շուրջ կեսը ինտերնետ կապ չունի: Սա դժվարեցնում է նրանց աշխատանքը, մարզպետարանի, կառավարության եւ այլ հիմնարկների հետ օպերատիվ կապը: Հունվարի 19-ին կայացած Տավուշի մարզխորհրդի նիստում մարզպետ Արմեն Ղուլարյանն ասաց, որ համայնքապետարանների հետ առցանց կապն ապահովելու համար մարզպետարանը համայնքապետարաններին էլեկտրոնային փոստի հասցեններ է տրամադրում, համայնքապետերը պետք է ճշտեն դրանք: Իջեւանի համայնքների միության գործադիր տնօրեն Գառնիկ Ղալումյանը մարզխորհրդի անդամներին տեղեկացրեց, որ համայնքապետարաններին ինտերնետ կապ տրամադրող «Հարմոնիա» կազմակերպության ինտենետային կապը լավ է գործում միայն Իջեւանի տարածաշրջանի Ենոքավան գյուղում: Դրա պատճառը ռելիեֆի հետ է կապված:
-Էլ ինչ «Հարմոնիա», եթե միայն Ենոքավանին է սպասարկում,-արձագանքեց մարզպետ Ղուլարյանը:
Ոսկան Սարգսյան
Loading ...
