Թեեւ նոյեմբերի 13-ին տեղի ունեցած Իջեւանի քաղաքապետի ընտրություններից ավելի քան երկու ամիս է անցել, սակայն ընտրություների հետ կապված լարվածությունը շարունակվում է: Նման բան կարելի էր եզրակացնել հունվարի 25-ի ավագանու նիստից: Վարդան Ղալումյանը ընտրվել է քաղաքապետ, որպես ավագանու անդամ նրա լիազորությունները դադարեցվել են, ավագանու անդամ Հովիկ Խեչյանն էլ խուլիգանության գործով քննվող քրեական գործով տարեմուտից առաջ կալանավորվել է: Ավագանու 15 անդամից այդ նիստին մասնակցում էին 13-ը: Նախկին քաղաքապետ Վարուժան Ներսիսյանի կողմնակից հանդիսացող ավագանու անդամները ժամը 10-ին նշանակված նիստին ներկայացան միասին, քաղաքապետի աշխատասենյակում էլ նստած էին իրար կողքի: Սպասվում էր, որ նիստի ժամանակ էլ նրանք կազմակերպված ձեւով հանդես կգան: Հունվարի 25-ին պետք է հաստատվեր համայնքի 2012 թվականի բյուջեի նախահաշիվը, քաղաքապետարանի եւ դրա ենթակա հիմնարկների հաստիքացուցակները եւ պաշտոնային դրույքաչափերը, 2012թ. տեղական տուրքերի ու վճարների չափերը եւ այլն: Նիստի սկզբում ավագանու անդամներ Նարինե Գրիգորյանը ու Հասմիկ Ամիրյանը հայտնեցին, որ նիստի օրակարգը ստացել են ոչ թե անձամբ, այլ`մի դեպքում` խանութպանից կամ հարեւանի միջոցով: Քաղաքապետարանի աշխատակազմի ղեկավար Բորիս Թանանյանը հայտնեց, որ օրակարգը մի շաբաթ առաջ փոստով ուղարկել են ավագանու անդամներին: Ավագանու անդամ, Իջեւանի նախկին քաղաքապետի հարազատ եղբայր, «Իջեւանի բժշկական կենտրոնի» տնօրեն Հրաչ Ներսիսյանն էլ դժգոհեց, որ քաղաքի աղբահանությունն իրականացնող կոմունալ տնտեսությանը այս տարվա բյուջեով 79 միլիոն դրամ է նախատեսված: Ավագանու անդամ Հասմիկ Ամիրյանն էլ հավելեց, որ կոմունալ տնտեսության համար նախատեսվածն ավելի է, քան քաղաքապետարանի աշխատակազմի համար նախատեսված գումարը: Նշենք, որ 2012-ին կոմունալ տնտեսության համար նախատեսված գումարը 2011-ի համեմատ աճել է 5 միլիոն դրամով, անցյալ տարի էլ կոմունալին հատկացվածը մեծ է եղել քաղաքապետարանի աշխատողների աշխատավարձի գումարից, նախորդ տարիներին էլ ավագանու վերոհիշյալ անդամները հաստատել են տեղական բյուջեն: Իջեւանի քաղաքապետարանի ֆինանսական բաժնի վարիչ Վարազդատ Գեւորգյանը հայտնեց, որ 2011թ. վերջին քաղաքապետարանի աշխատավարձի եւ այլ պարտքերը կազմել են 5 միլիոն 368 հազար դրամ: Իջեւանի ավագանու անդամները քվեարկությամբ , 6 կողմ եւ 7 դեմ հարաբերակցությամբ մերժեցին հաստատել նիստի օրակարգը: Օրակարգի հաստատմանը դեմ քվեարկածները քաղաքապետ Վարդան Ղալումյանից պահանջեցին ավագանու հաջորդ նիստին լսել կոմունալ տնտեսության, նաեւ քաղաքապետարանի մյուս հիմնարկների տնօրենների աշխատանքների տարեկան հաշվետվությունը: Վարդան Ղալումյանը հայտարարեց, որ ինքը կողմ է քաղաքապետարանի եւ դրա ենթակա հիմնարկների թափանցիկ աշխատանքին: Կարելի կռահել , թե ինչու Վարուժան Ներսիսյանի կողմնակից ավագանու անդամները շեշտեցին հատկապես կոմունալ տնտեսության տնօրենի հաշվետվության անհրաժեշտությունը: Այդ հիմնարկության նախկին տնօրեն Սամվել Չիբուխչյանը 2011թ. մայիսի 29-ին ընտրվել է ավագանու անդամ, դրանից հետո նրա փոխարեն հիմնարկի տնօրեն է դարձել Չիբուխչյանի քրոջ որդին` Էդգար Մեհրաբյանը: Սամվել Չիբուխչյանը մասնակցում էր նիստին եւ կողմ քվեարկեց օրակարգի հաստատմանը: Դե մնացածը երեւի դրա հետ կապ ունի… Իջեւանը Տավուշի մարզի 62 համայնքներից միակն է, ուր դեռ չի հաստատվել այս տարվա բյուջեի նախահաշիվը:
Ոսկան Սարգսան
Loading ...
Loading ...
Անհանգստանում եք? Միթե սա առաջին դեպքն է? Քանի տարի է Ներսիսյանը աշխատել առանց բյուջեի ու վերջում ասել են թէ գործ չի արել Իջևանի համար: Դե հիմա թող Ղալումյանը առանց բյուջեի աշխատի ու Իջևանում էլ մեծ գործեր անի
Վարդան Ղալումյանը առանց բյուջեյի էլ գործ կանի այ միամիտներ… Այ այդպես փոքր հաջողություններով ուրախացեք, Վարուժի դուդուկի տակ պարեցեք ու սպասեք պատասխան հարվածներին:
Բոլորին լավ հայտին է թե արդեն քանի տարի է Վարդանը ուրիշների դուդուկի տակ պարում,միամիտ մարդ չկա
Ժողովրդական խոսքն ասում է , ինչ որ անես ` մի օր քո առաջ կգա:
Ձեր Վարդան Ղալումյանը արդեն մեկ ամիս պաշտոնավարում է, բայց դեռ որևէ արված գործ չտեսանք,ավելին փողոց ավլողներն էլ անհետացան:
Hima ov e mexavor vor du tesoxutyan het xndir unes:
Իրականությունը հեռու չէ դեռ կտեսնենք:Ամեն ինչ գործով է պետք ապացուցել
Duq Varujan Ner-in vor tesneq kaseq Xachatur Abovyanic viza stacel e?Vor tesneq iharke.
Միանշանակ Տինան ճիշտա , իսկ ինչ վերաբերվումա դուդւկի տակ պարելուն , մեկը հարցնի Սոնյա իսկ դու ինչի տակ ես պարում դուդուկի թե ….. ?
Բյուջեին դեմ քվեարկելու փոխարեն, լավ կլիներ Վարուժան Ներսիսյանի հետ հանդիպման ժամանակ գրպանը մի քիչ քար լցրեք, թե չէ մի օր քամին կտանի:
hargeli varujan nersisyani koxmnakicner shat mi vogevorveq , Vardan Xalumyan@ avaganin crelu ev nor avaganu @ntrutyunner kazmakerpelu iravunq uni, isk ete ayd amen@ kazmakerpvi havatacnum em dzes vor hrach ev karen nersisyanner@ , ev naev myus «varujakan» avaganu andamneri met mas@ ete voch bolor@ aylevs chen @ntrvelu, el ov pti nranc dzayn ta ? el um en petq nranq ete gortox qaxaqapet@ el varuj@ che.Andzamb es kuzem vor avaganin cri ev nor @ntrutyun lini u dra mijocov verjnakanapes maqrvenq et «nersisyani klanic» , partveluc heto el iren xeloq chi pahum dzer varuj@, kazmakerpuma vor Vardan Xalumyani gorterin xangaren avaganu ira koxmnakicner@, amota uxaki, gone patvov chkaroxacav herana.Mard pti imana vor pashton@ haverj chi , vor mi or kara naev chlni et pashton@ u pti nenc ashxatel vor pashtonic heto el iren mardu tex dnen u bareven , hargen, isk varujin Ijevan el ova hargum , kam mardu tex dnum, nuynisk eres chuni vor qaxaqum ereva.Vardan Xalumyanin cankanum em hajoxutyunner , es hamozvat em vor na lav e ashxatelu
Շատ անհասկանալի է ձեր պահվածքը, հարգելի մեկնաբանողներ. ճակատ-ճակատ խաղալով հարց եք լուծում? Խնդիրն այն է, որ ավագանու անդամների և քաղաքապետի ցանկացած անհամաձայնություն ի վնաս մեր քաղաքի է գործում: Դա պիտի ձեզ անհանգստացնի:Երբ է մեր մտածողությունից ջնջվելու -ական-ների, ային-ների բաժանումը? Ամոթ է, նույն հողուջրի մարդիկ ենք:
Ավելի հեշտ է պետություն ղեկավարել, քան դաստիարակել չորս երեխայի:
Բոլոր հիմքերը կան պնդելու, որ տգիտությունը երկու տեսակի է լինում. մեկը՝ անգրագիտությունը, որը նախորդում է գիտությանը, մյուսը՝ սնապարծությունը, որ հաջորդում է նրան:
Տգիտության այս երկրորդ տեսակը նույնպես ստեղծվում ու աշխարհ է գալիս գիտության միջոցով, ինչպես որ առաջինը կործանվում ու ոչնչանում է գիտության կողմից: