Տեսանկյուն Տեսանկյուն

Տավուշի մարզի անկախ լրատվական

Արգելվել է երթեւեկությունը Սեւան-Դիլիջան ճանապարհին, Սեւանի թերակղզուց-Դիլիջան քաղաքի շրջանաձեւ խաչմերուկ

ՀՀ ոստիկանության լրատվական ծառայությունը տեղեկացնում է, որ ժամը 16.45-ից արգելել է երթևեկությունը Սեւան-Դիլիջան ավտոճանապարհին, Սևանի թերակղզուց-Դիլիջան քաղաքի շրջանաձև խաչմերուկ:

«Հարգելի՛ վարորդներ, զգուշացնում ենք, որ առատ ձյան և անբավարար տեսանելիության պատճառով քաղաքացիների անվտանգությունն ապահովելու նպատակով, Ճանապարհային ոստիկանությունը համաձայնեցնելով ՀՀ տարածքային կառավարման և ենթակառուցվածքների նախարարության հետ, ժամը 16.45-ից արգելելու է երթևեկությունը Սևան-Դիլիջան ավտոճանապարհին, Սևանի թերակղզուց-Դիլիջան քաղաքի շրջանաձև խաչմերուկ:

Ելնելով վերը նշվածից` առաջարկվում է օգտվել շրջանցիկ ճանապարհից` Վանաձորով»,-նշված է ոստիկանության հաղորդագրության մեջ:

Հրապարակվել է։ 15:51 04/02/2020