Տեսանկյուն Տեսանկյուն

Տավուշի մարզի անկախ լրատվական

Պայմանագրային զինծառայողը դանակահարել է հետախուզական դասակի հրամանատար լեյտենանտին

Տավուշի մարզում  տեղակայված, ՀՀ պաշտպանության նախարարության զորամասերից մեկում  2018թ․ դեկտեմբերի 27-ին, ժամը  15-ն  անց 30-ի սահմաններում տեղի է ունեցել վեճ, հայհոյախոսություն  եւ դանակահարություն։ Ըստ հարուցված քրեական գործով նյութերի՝ զորամասի հրաձգային գումարտակի հետախուզական դասակի հրամանատար,  ավագ լեյտենանատ  Հարություն Քալաշյանը մեղադրվում  է այն բանում, որ նշված ժամանակահատվածում զորամասի  շարահրապարակում չնչին առիթով վիճաբանել է  իր նկատմամբ ստորադաս հանդիսացող  Հովհաննես Պետրոսյանի հետ, որի ընթացքում ծեծի է ենթարկել նրան։ Պայմանագրային զինծառայող  Հ․  Պետրոսյանը մեղադրվում  է այն բանում , որ նա վերոհիշյալ ժամանակահատվածում  զորամասի  շարահրապարակում   վիճաբանել է  իր նկատմամբ պետ հանդիսացող ,  ավագ լեյտենանտ  Հարություն Քալաշյանի հետ, որի ընթացքում ծեծի է ենթարկել վերջինիս, ապա հանելով  գործարանային արտադրության ծալովի դանակ, դրանով հարվածել է   Հարություն Քալաշյանի աջ գոտկային հատվածում։ Պայմանագրային զինծառայող Կարեն Հակոբյանը  մեղադրվում  է  այն բանշ ում, որ նույն ժամանակահատվածում վերհիշյալ՝ չնչին   առիթով  զորամասի շարահրապարակում   վիճաբանել  է ավագ լեյտենանտ Հարություն Քալաշյանի հետ, որի ըն թացքում  հայհոյանք է  Հ․  Քալաշյանին ՝ անպարկեշտ ձեւով ստորացրել է նրա պատիվն ու արժանապատվությունը։ Սույն քրեական գործվ մեղադրվում է նաեւ  այդ  զորամասի գումարտակի հրամանատարի հրետանու  գծով օգնական  Լեւոն Սարգսյանը, ով 2018թ․ դեկտեմբերի 27-ին, ժամը  15-ն անց 30-ի սահմաններում զորամասի շարահրապարակում զինվորական պարտականությունները  կատարելու հետ չկապված չնչին առիթով վիճաբանել է իր նկատմամբ ստորադաս հանդիսացող, պայմանագրային զինծառայողներ Կարեն Հակոբյանի եւ Հովհաննես Պետրոսյանի հետ, որի ընթացքում  նախ բռնություն է գործադրել Կարեն Հակոբյանի  հանդեպ, ապա՝  Հավհաննես Պետրոսյանի նկատմամբ՝ բռունցքով հարվածելով  վերջինիս դեմքին։ Հ․ Քալաշյանը մեղադրվում է ՀՀ քրեական  օրենսգրքի  358․1 հոդվածի 1-ին մասով, Հ․ Պետրոսյանը մեղադրվում է  358 հոդվածի 3-րդ մասի  2-րդ   եւ 3-րդ կետերով, Կ․ Հակոբյանը ՝  360 հոդվածի 1-ին մասով, Լ․ Սարգսյանը ՝  358․ 1 հոդվածի 3-րդ մասի 2-րդ կետով։  Այդ քրեական  գործով մեղադրանքը պաշտպանում է  Լոռու կայազորի զինվորական դատախազությունը։ Սույն քրեական գործով դատավարությունը 2019թ․  օգոստոսի 21-ից ընթանում է Տավուշի մարզի առաջին ատյանի  դատարանի Բերդի նստավայրում, հերթական նիստը նշանակված  նոյեմբերի 26-ին։

Հրապարակվել է։ 08:16 27/11/2019