Տեսանկյուն

Տավուշի Մարզի Անկախ Լրատվական

500 դոլար էր վաճառել, տուգանվեց 600 հազար դրամով

500 դոլար էր վաճառել, տուգանվեց 600 հազար դրամով

Իջեւան քաղաքի բնակիչ Գագիկ Ալավերդյանին մեղադրանք է առաջադրվել այն բանի համար, որ չունենալով արտարժույթի առքուվաճառքի համապատասխան լիցենզիա, 2017թ. սեպտեմբերի 12-ին կատարել է 100000 ՀՀ դրամը գերազանցող գումարի փոխանակում, այն է`29000 ՌԴ ռուբլու դիմաց Տավուշի մարզի Աճարկուտ գյուղի բնակիչ Արթուր Բաղրամյանին վաճառել է 239175 ՀՀ դրամին համարժեք 500 ԱՄՆ դոլար:

Գ. Ալավերդյանին մեղադրանք է առաջադրվել ՀՀ քրեական օրենսգրքի 188.1 հոդվածի 1-ին մասով («Առանց համապատասխան լիցենզիայի արտարժույթի առքուվաճառքի իրականացումը, որը կատարվել է արտարժույթի հարյուր հազար դրամի կամ ավելի գումարի փոխանակման ձեւով»): Այդ հոդվածը նախատեսում է 600-800 հազար դրամ տուգանք կամ 2-3 ամիս կալանք:

Նոյեմբերի 23-ին Բերդ քաղաքում Տավուշի մարզի առաջին ատյանի դատարանի դատավոր Զոյա Զաքինյանը վճռել է Գ. Ալավերդյանին մեղավոր ճանաչել նրան առաջադրված հոդվածով եւ նրան դատապարտել 600 հազար դրամի չափով տուգանքի:

Ոսկան ՍԱՐԳՍՅԱՆ


https://aravot.am

Հրապարակվել է։ 15:00 05/12/2017

Մեկնաբանություններ (0)

Առայժմ մեկնաբանություններ չկան

© 2017 - Բոլոր իրավունքները պաշտպանված են: Tesankyun.am կայքի նյութերի օգտագործումն առանց հղման արգելվում է: Նյութի ամբողջական հրապարակումը արգելվում է։ Հրապարակման հեղինակի կարծիքը ոչ միշտ է համընկնում խմբագրության կարծիքի հետ: Գովազդների բովանդակության համար պատասխանատվությունը գովազդատուներինն է:
© ՇՈՂԱՐՁԱԿ ՍՊԸ.
ՍՊԱՍԱՐԿՎՈՒՄ է ՝ CREATE'IT SOFTWARE ՍՊԸ-ի կողմից
Շահավետ տեխնոլոգիական լուծումներ