Տեսանկյուն

Տավուշի Մարզի Անկախ Լրատվական

72-ամյա էլեկտրիկի խեղդվելու պատճառը խմածությո՞ւնն է եղել

72-ամյա էլեկտրիկի խեղդվելու պատճառը խմածությո՞ւնն է եղել

Նոյեմբերի 11-ին Բագրատաշեն գյուղի սկզբնամասում գտնվող լճակում հայտնաբերվել է գյուղի 72-ամյա բնակիչ Նորիկ Մարտիրոսյանի դին: Այն լճակից դուրս է բերվել: Բագրատաշենի վարչական ղեկավար Արկադի Մակյանից տեղեկացանք, որ դիակը դիահերձվել է: Մակյանն ասաց, որ Նորիկ Մարտիրոսյանը որպես էլեկտրիկ աշխատում էր Նոյեմբերյանի ոռոգման համակարգերի ընկերությունում: Նա ամուսնացած էր, երկու աղջիկների հայր էր:

Բագրատաշենի վարչական ղեկավարին հարցրինք համագյուղացու մահվան պատճառը: Նա ասաց, որ դեպքն ինքնասպանություն չէ, նախօրեին, ժամը 22-ին սահմաններում Բագրատաշենի բնակիչները Ն. Մարտիրոսյանին խմած վիճակում են տեսել, խմածության պատճառով նա կարող էր տեղանքում չկողմնորոշվելով՝ հայտնվել լճակի մեջ:

Պատահարի կապակցությամբ քննություն է կատարվում:

Ոսկան ՍԱՐԳՍՅԱՆ

Հրապարակվել է։ 22:39 14/11/2017

Մեկնաբանություններ (0)

Առայժմ մեկնաբանություններ չկան

© 2017 - Բոլոր իրավունքները պաշտպանված են: Tesankyun.am կայքի նյութերի օգտագործումն առանց հղման արգելվում է: Նյութի ամբողջական հրապարակումը արգելվում է։ Հրապարակման հեղինակի կարծիքը ոչ միշտ է համընկնում խմբագրության կարծիքի հետ: Գովազդների բովանդակության համար պատասխանատվությունը գովազդատուներինն է:
© ՇՈՂԱՐՁԱԿ ՍՊԸ.
ՍՊԱՍԱՐԿՎՈՒՄ է ՝ CREATE'IT SOFTWARE ՍՊԸ-ի կողմից
Շահավետ տեխնոլոգիական լուծումներ