Տեսանկյուն Տեսանկյուն

Տավուշի մարզի անկախ լրատվական

Բագրատաշենի բնակիչները խմում են ծանր մետաղներով հագեցած Դեբեդի ջուրը

Տավուշի մարզի Բագրատաշեն գյուղի բնակիչ, կենսաթոշակառու Արմո Գաբրիելյանը հայտնեց, որ Բագրատաշենի խմելու ջրի պոմպակայանը գտնվում է Դեբեդ գետից  3 մ հեռավորությամբ, իրենք խմում են գրունտի մեջ ներծծված Դեբեդի ջուրը: Խորհրդային տարիներին Բագրատաշենի խմելու ջրի պոմպակայանը գտնվել է գետից 25 մ հեռավորությամբ: Դեբեդի մեջ մեծ է  Լոռու  հանքարդյունաբերական ձեռնարկությունների արտանետած  ծանր մետաղների`պղիձի, կապարի,արճիճի  եւ այլնի պարունակությունը, այդ մետաղները  մարդու օրգանիզմում կուտակվելու հատկություն ունն: Բագրատաշենին  մատակարարված խմելու ջուրը կոշտ է, այն եռացնելուց հետո թեյնիկի հատակին մեծ քանակի կիր է գոյանում: Բագրատաշենի շատ բնակիչներ այլ բնակավայրերից մեքենաներով խմելու ջուր են ներկրում: 2800 բնակիչ ունեցող Բագրատաշենի վարչական ղեկավար Արկադի Մակյանը հայտնեց, որ գյուղին խմելու ջուրը մատարակարում է «Տավուշ» ՋՕԸ-ն,որը նույն պոմպակայանով նաեւ ոռոգման ջուր է մղում: Համայնքը մատակարարված խմելու ջրի դիմաց վճարում է ՋՕԸ-ին: 2016թ. «Հայջրմուղկոյուղին»  եւ ԻՖԱԴ-ը Բագրատաշենում խմելու ջրի ցանց են կառուցել:  Ի՞նչն  է պատճառը, որ   Բագրատաշենի բնակչությանը Ստեփանավանի սարից հոսող որակյալ չի մատարակարվում: Ա. Մակյանն ասաց, որ համայնքի ավագանու որոշմամբ  գյուղի խմելու ջրի ցանցը հանձնվել է «Վեոլիա  ջուր» ընկերությանը,որը պետք է  գյուղի սպառողների համար ջրաչափեր տեղադրի,որից հետո բագրատաշենցիները կօգտվեն Ստեփանավանի ջրից: Ոսկան ՍԱՐԳՍՅԱՆ

Հրապարակվել է։ 14:00 17/07/2018

© 2017 - Բոլոր իրավունքները պաշտպանված են: Tesankyun.am կայքի նյութերի օգտագործումն առանց հղման արգելվում է: Նյութի ամբողջական հրապարակումը արգելվում է։ Հրապարակման հեղինակի կարծիքը ոչ միշտ է համընկնում խմբագրության կարծիքի հետ: Գովազդների բովանդակության համար պատասխանատվությունը գովազդատուներինն է:
E-mail: [email protected]
© ՇՈՂԱՐՁԱԿ ՍՊԸ.
Professional Symfony Development in Armenia