Տեսանկյուն Տեսանկյուն

Տավուշի մարզի անկախ լրատվական

Բռնաբարության մասին բողոքած կինը վերադարձել է Մոսկվա

Հոկտեմբերի 5-ին Մոսկվա քաղաքի 36-ամյա բնակչուհին Երեւանում ոստիկանությանը հայտնել է, որ նախօրեին, ժամը 21.30-ի սահմաններում, Նոյեմբերյան քաղաքի վարչական տարածքում BMW մակնիշի ավտոմեքենայի վարորդն ավտոմեքենայի սրահում իրեն բռնաբարել է: Տաքսիստը ռուս կնոջը Բագրատաշենի սահմանային անցակետից Երեւան պետք է տեղափոխեր, սակայն Նոյեմբերյանի ոլորաններում կատարած գործողությունից հետո, նրան երեկոյան թողել է ճանապարհին: Լոռու մարզի Ճոճկան գյուղի բնակիչ՝ 35-ամյա տաքսիստը բռնաբարության վերաբերյալ քրեական գործով մեղադրյալ է, դատարանի որոշմամբ նրա հանդեպ խափանման միջոց է ընտրվել երկու ամիս ժամկետով կալանքը: Դեպքի կապակցությամբ քրեական գործ է հարուցվել ՀՀ քրեական օրենսգրքի 138 հոդվածի 1-ին մասով: Բռնաբարության գործով քննությունը կատարում է ՀՀ քննչական կոմիտեի Տավուշի մարզային քննչական վարչության Նոյեմբերյանի քննչական բաժինը: Իրավապահներից տեղեկացանք, որ դեպքի կապակցությամբ նշանակված դատաբժշկական համալիր փորձաքննության եզրակացությունը դեռեւս չի ստացվել: Ռուս կինը, որը Ֆեյսբուքի իր էջում բազմաթիվ հետաքրքիր լուսանկարներ է հրապարակել որպես զբոսաշրջիկ Հայաստան, Վրաստան եւ այլ երկրներ իր կատարած ճանապարհորդություններից, քննչական գործողություններին մասնակցելուց հետո վերադարձել է Մոսկվա:

Հրապարակվել է։ 18:00 27/12/2017

© 2017 - Բոլոր իրավունքները պաշտպանված են: Tesankyun.am կայքի նյութերի օգտագործումն առանց հղման արգելվում է: Նյութի ամբողջական հրապարակումը արգելվում է։ Հրապարակման հեղինակի կարծիքը ոչ միշտ է համընկնում խմբագրության կարծիքի հետ: Գովազդների բովանդակության համար պատասխանատվությունը գովազդատուներինն է:
E-mail: [email protected]
© ՇՈՂԱՐՁԱԿ ՍՊԸ.
Professional Symfony Development in Armenia