Տեսանկյուն

Տավուշի Մարզի Անկախ Լրատվական

Ինչո՞ւ Դիլիջանի հանքային ջրերի գործարանը մի քանի ամիս չի աշխատել

Տավուշի մարզի Իջեւանի,Դիլիջանի, Բերդի տարածաշրջանների սննդի խանութներում Դիլիջանի հանքային ջրերի գործարանի արտադրանքը ներկայումս չկա: Դիլիջան քաղաքում եւս գործարանի արտադրանքը բացակայում էր: Գործարանի հաշվապահ Էլյա Ջանվելյանից տեղեկացանք, որ գործարանը երեկվանից սկսել է աշխատել, ձեռնարկության արտադրանքն արդեն առաքվել է Դիլիջանի վաճառակետեր: Նա ասաց, որ գործարանը մի քանի ամիս չէր աշխատում, սակայն չհայտնեց, թե ինչն էր այդ պարապուրդի պատճառը: Է. Ջանվելյանը հայտնեց, որ իրենց արտադրանքը վաճառվում է Հայաստանում, մի մասն`արտահանվում: Դիլիջան քաղաքում տարածված լուրերով` հանքային ջրերի գործարանի պարապուրդի պատճառն այն էր, որ արտերկիր առաքած ապրանքի խմբաքանակի համար գնորդը չի վճարել: Էլյա Ջանվելյանն ասաց, որ նման խնդիր չի եղել:

Հրապարակվել է։ 18:00 15/12/2017

Մեկնաբանություններ (0)

Առայժմ մեկնաբանություններ չկան

© 2017 - Բոլոր իրավունքները պաշտպանված են: Tesankyun.am կայքի նյութերի օգտագործումն առանց հղման արգելվում է: Նյութի ամբողջական հրապարակումը արգելվում է։ Հրապարակման հեղինակի կարծիքը ոչ միշտ է համընկնում խմբագրության կարծիքի հետ: Գովազդների բովանդակության համար պատասխանատվությունը գովազդատուներինն է:
E-mail: [email protected]
© ՇՈՂԱՐՁԱԿ ՍՊԸ.
Support by CREATEIT.AM