Տեսանկյուն

Տավուշի Մարզի Անկախ Լրատվական

Կինը դատարանում հաշտվել է իրեն ծեծած ամուսնու հետ

Կինը դատարանում հաշտվել է իրեն ծեծած ամուսնու հետ

Տավուշի մարզի առաջին ատյանի դատարանում կայացել է Իջեւան քաղաքի բնակիչ Ա. Մալաքյանի դատավարությունը: Նա մեղադրվում էր այն բանում, որ 2017թ. սեպտեմբերի 30-ին, ժամը 17-ի սահմաններում իրենց տանը կենցաղային հարցերի շուրջ վիճաբանել է կնոջ հետ, որի ընթացքում ծեծել է նրան, պատճառելով ֆիզիկական ցավ:

Ա. Մալաքյանին մեղադրանք է առաջադրվել ՀՀ քրեական օրենսգրքի 118 հոդվածով («Ծեծը»): Սույն հոդվածը նախատեսում է առավելագույնը 100 հազար դրամի չափով տուգանք կամ առավելագույնը 2 ամիս ժամկետով կալանք: Ա. Մալաքյանի նկատմամբ խափանման միջոց էր ընտրվել չհեռանալու մասին ստորագրությունը:

Դատական նիստում տուժող կինը հայտարարել է, որ հաշտվել է Ա. Մալաքյանի հետ, նրանից որեւէ բողոք, պարտք ու պահանջ չունի, խնդրել է կարճել նրա նկատմամբ հարուցված քրեական գործի վարույթը: Դեկտեմբերի 12-ին Տավուշի մարզի առաջին ատյանի դատարանի նախագահ Սամվել Մարդանյանը որոշել է Ա. Մալաքյանի նկատմամբ ՀՀ քրեական օրենսգրքի 118 հոդվածով քրեական գործի վարույթը կարճել եւ դադարեցնել քրեական հետապնդումը`տուժողի եւ ամբաստանյալի հաշտվելու հիմքով:

Ոսկան ՍԱՐԳՍՅԱՆ


https://aravot.am

Հրապարակվել է։ 12:00 28/12/2017

Մեկնաբանություններ (0)

Առայժմ մեկնաբանություններ չկան

© 2017 - Բոլոր իրավունքները պաշտպանված են: Tesankyun.am կայքի նյութերի օգտագործումն առանց հղման արգելվում է: Նյութի ամբողջական հրապարակումը արգելվում է։ Հրապարակման հեղինակի կարծիքը ոչ միշտ է համընկնում խմբագրության կարծիքի հետ: Գովազդների բովանդակության համար պատասխանատվությունը գովազդատուներինն է:
© ՇՈՂԱՐՁԱԿ ՍՊԸ.
Support by CREATEIT.AM