CREATEIT SOFTWARE

Տեսանկյուն Տեսանկյուն

Տավուշի մարզի անկախ լրատվական

Մարզպետը ռուսաստանաբնակ տավուշցի գործարարներին հրավիրում է Տավուշում բիզնես անելու

Փետրվարի 6-ին Տավուշի մարզպետարանում կայացած մամուլի ասուլիսի ժամանակ Տավուշի մարզպետ Հովիկ Աբովյանն ասաց, որ 2017թ. Տավուշի մարզում 24 միլիարդ դրամ ֆինանսական ներդրում է կատարվել, 2018թ. Տավուշի մարզի տարբեր ոլորտներում նախատեսվում է ներդնել 26 միլիարդ դրամ եւ հավելեց. «Մենք ձեռքներս ծալած չենք նստում: Այս պահին պայմանավորվածություն ունենք Ռուսաստանի հայերի միության նախագահի տեղակալ Աղայանի հետ, որպեսզի Ռուսաստանում բնակվող, այդ երկրի քաղաքացի հանդիսացող տավուշցիների հավաքույթ կազմակերպենք, հանդիպման ժամանակ ներկայացնենք մարզի խնդիրները, թե Տավուշի տնտեսության ինչ ճյուղեր կարող ենք զարգացնել: 80 տավուշցի ցանկություն է հայտնել մասնակցելու առաջիկայում Մոսկվայում կայանալիք այդ հանդիպմանը: Տնտեսության բոլոր ոլորտների վերաբերյալ մենք առաջարկություններ ենք անելու, նրանց ներգրավելու մարզի տնտեսության զարգացմանը: Հնարավորությունները մեծ են, ուղղակի ցանկություն է պետք, իսկ այդ ցանկությունը մեզ մոտ կա, մենք կարողացել ենք «Տավուշ Տեքստիլի» վառ օրինակով ապացուցել, որ հնարավոր է ամենահեռու, սահմանամերձ Չորաթան համայնքում կազմակերպել արտադրություն, որտեղ այսօր աշխատում է 300-ից ավել աշխատող»: Ոսկան ՍԱՐԳՍՅԱՆ

Հրապարակվել է։ 22:00 08/02/2018