Տեսանկյուն

Տավուշի Մարզի Անկախ Լրատվական

Նորածին թոռնիկին խեղդելու մեջ մեղադրվող կինը հանրային պաշտպան է խնդրել

Նորածին թոռնիկին խեղդելու մեջ մեղադրվող կինը հանրային պաշտպան է խնդրել

Այսօր`դեկտեմբերի 14-ի կեսօրին Տավուշի մարզի առաջին ատյանի դատարանի Բերդի նստավայրում, դատավոր Զոյա Զաքինյանի նախագահությամբ, մեկնարկեց Տավուշի մարզի Նորաշեն գյուղի բնակչուհի Հրածին Փայտյանի դատավարությունը: Նրան մեղադրանք է առաջադրվել այն բանի համար, որ նա 2017թ. սեպտեմբերի 27-ի ժամը 02.00-ի սահմաններում, Նորաշեն գյուղում գտնվող իրենց առանձնատան պատշգամբում աղջկա` նույն գյուղի բնակչուհի, 1984թ. ծնված Ռադմիլա Փայտյանի արտաամուսնական կապից հղիությունը թաքցնելու եւ նորածին երեխայի անցանկալի լինելու դրդապատճառով, ապօրինաբար կյանքից զրկելու նպատակով, դիտավորությամբ, պարանոցի աջ եւ ձախ կողմնային երեսներից սեղմելու միջոցով մեխանիկական շնչահեղձության հասցնելով՝ սպանել է Ռադմիլա Փայտյանի 36-38 շաբաթական ծնված նորածին երեխային, այնուհետեւ նորածնի դիակը փաթաթել պոլիէթիլենային պարկի մեջ եւ գցել արտաքնոցի փոսը:

Հ. Փայտյանին մեղադրանք է առաջադրվել ՀՀ քրեական օրենսգրքի 104 հոդվածի 1-ին մասով («Սպանությունը» ), նա կալանավորված է: Այս քրեական գործով տուժողի իրավահաջորդ է ճանաչվել Ռադմիլա Փայտյանը:

Հ. Փայտյանը դատարանում հայտնել է, որ ցանկանում է պաշտպան ունենալ: Քանի որ նա սոցիալապես անապահով է, դատարանի որոշմամբ նրան կտրամադրվի հանրային պաշտպան:

Դատական նիստին ներկա են եղել Հ. Փայտյանի հարազատները, համագյուղացիները:

Ոսկան ՍԱՐԳՍՅԱՆ


https://aravot.am

Հրապարակվել է։ 15:00 14/12/2017

Մեկնաբանություններ (0)

Առայժմ մեկնաբանություններ չկան

© 2017 - Բոլոր իրավունքները պաշտպանված են: Tesankyun.am կայքի նյութերի օգտագործումն առանց հղման արգելվում է: Նյութի ամբողջական հրապարակումը արգելվում է։ Հրապարակման հեղինակի կարծիքը ոչ միշտ է համընկնում խմբագրության կարծիքի հետ: Գովազդների բովանդակության համար պատասխանատվությունը գովազդատուներինն է:
© ՇՈՂԱՐՁԱԿ ՍՊԸ.
Support by CREATEIT.AM